اليوم اقدملكم دروس عن الخباثه وأريد
أشوف مستواكم بالخباثه وين واصل.
واني لوما احبكم كلش كلش مجان
أنطيتكم هذني الدروس.
بس شسوي لقلبي
هسه المهم نبدي بالمحاضره أو الدرس
((طبعا الدرس اهداء لرموووز الخباثه الموجودين بالمنتدى ،
ويعرفوون نفسهم كلش زين ))
وبــاقي الأعضــاء الخبثاء.
_اذا جان شهر تموز ودرجة الحراره 76 وصايره
معجزه وجايه الكهرباء الوطنيه
واخوك فرحان ونايم عالمكيف روح طفي المكيف
واشعل الصوبه
وانتظر خمس دقائق اذا مشفت فد شي لاستيك عيار
45 على راسك اني فلا أسمي خبيوثي.
_هاي الحركه تمتاز فلانه هي قويه وقاسيه وتسبب
مرض السكر لعدة اشخاص يعني مو واحد
اذا انت بره العراق او بالمحافظات الامنه وجوي
جماعه من العراق كعدو بنفس عمارتكم
انت بس عليك تعرف رقم تلفونهم وتروح لبيتكم
وتخابرهم وتكلهم :
الو احنه جماعه مسلحه استولينه على بيتكم احسنلكم مترجعون.
_روح على محطه بيهه غسيل سيارات وانتظر
يطلعلك واحد بالماطور مالته وغاسله ويلمع روح عليه
اول ميطلع
ووكفه وحط ايدك عالجامه مال الماطور وسئله
ساعه ابيش.
واذا طلع حباب وكلك ساعه ابيش طلع الساعه مالتك وكله ساعتك متقدمه عشر دقايق.
_اذا احد من عائلتك ديتفرج تلفزيون وفاتح الستلايت ومندمج ويه المسلسله
انت روح طلع الريموت الاحتياطي
((اكيد اكو ريموت احتياطي ويه كل ستلايت))
وحط بيه باتريات
وروح اختل وره الكرسي او وره البرده او الباب
المهم مكان مو بعيد عن التلفزيون
بعدين كل شويه طلع ايدك واكلب التلفزيون على قناة الجزيره
ولتخلي كلبك يحن لمن تسمعه يلطم ويصيح ويفر
راسه ميعرف منو اللي ديكلبه انت ظل كلب لحد
متخلص المسلسله.
_اذا فد يوم طلبتوا اكل منkfcاو ماكدونالدز بخدمة التوصيل
((ولو بالعراق ماكو هيج بطه تلعب شنااو ، بس يلا هاي النقطه للمغتربين إذا يردوون يغيرون جو ويخبثوون)).
ويجيكم العامل شايل العلاكه متروسه تزهو باللفات والوجبات فانت شتسوي.
وديهه العلاكه بالمطبخ وطلع كل اللفات والوجبات والفنكر وحط مكانهه خبز وصمون
وصيح اهلك كلهم يلله اجه الاكل تعالو تغدوا
يجون يفتحوهه يلكوهه كلهه خبز وصمون طبعا همه
رح يتخبلون لان دفعوا كومه فلوس علمود خبز وصمون.
_لمن تروح عزيمه وتاكل وتخلص وتروح تغسل
ايدك افتح البوري اقوى شي وعال مي الحار
وانتظره لحد ميجي المي الحار كلش
وبعدين اطلع بلا متسد البوري وخلي نشوف اللي يجي
وراك يغسل ايده شراح يصير بيهة
((وآني سويتها ابعيد راس السنه قبل خمس سنين
براس وحده كتكوته من كرايبنه))
_اذا فتت محل حلويات جرب كل الحلويات وبعدين اطلع ايدك فارغه ايد وره وايد كدام.
_اذا انت بمكتبه جبيره وبيهه الة استنساخ روح
عليهه وحط نسبة التصغير على 200%
وخلي عدد الطبعات المطبوعه خمسين او اكثر
وشوف الوراك شيصير بيه.
_اذا اجاكم للبيت احد عنده ربو لو حساسيه اخذ البف باف ورش البيت كله.
_اذا اخوك عزم اصدقائه وراح سوالهم جاي انت
روح عالكتلي مال الجاي وحط بيه شطه
وانتظر شويه وهسه تشوفهم كلهم يسوون سباق
اولومبي للحمام
_اذا عندك امتحان وكعدت تغش من صاحبك واجه
عليكم المدرس كله استاذ هذا يغش من عندي
واذا كدرت تشمر ورقة عليه يصير احلى شي.
_اتأخر عن المدرسه واذا وكفك المدرس اكعد احجي واضحك ويه صاحبك
((بس اني معليه اذا فصلوك))
_واذا اختك دتكتب بحث مال الكليه صارلهه
اسبوع وتعبانه عليه روح عليه وامسح كلشي
_ من تشارك بالمنتدى وتضيف مشاركات وردود
، ضيفهن بلون الأصفر أو نفس لوون خلفية المنتدى
(( بحيث كل شي ميبين )).
يعني صيرو مثل خبووثتي .
_هاي الخباثه تسخدمها بالجامعه
صديقك شايل موبايل أبو الكاميرا ويريد يعبر
الأستعلامات وميسلم الموبايل..
أنه شتسووي تحرك صاحبك وتكوول لأبو
الأستعلامات تره هذا الطالب أو الطالبه شايله موبايل
وضامها لو بالجواريب مالته((لو كان طالب)) ، لو
ضامها بالجنطه((لو كانت طالبه)).
. الخباثه هاااي كلش مهمه ،
إذا جنت خبيث مو خبيثه ، وكاعد تحجي ويه وحده
بنية بالجات وحاطه صورتها كوللها أنتي محلووه
أبد وإذا هي ما بيها مجال تكول عليها محلوه
(( لأن يمكن هيه حلووه ومتدكر تنكر هذا ))
أقلها لاتكووللها أنتي حلووه.
ونفس الحاله بالنسبه للبنات الخبيثات.
يله هاهيه شلعوا لبيتكم خلصنة اتمنى تكون الدروس عجبتكم
الإثنين يونيو 14, 2010 4:00 am